fbpx

ಸಿಗರೇಟ್ ಸೇದಿದರೆ ವಯಸ್ಸಾಗೋಲ್ಲ..!?

“A smoke in times of rest is a great companion to a solidary soldier”. 

ಹಾಗೆಂದವನು ಕ್ಯೂಬಾದ ಮಹಾನ್ ನಾಯಕ ಹಾಗು ಹುಟ್ಟು ಹೋರಾಟಗಾರ ಚಿಗೆವಾರ.    ಸಿಗರೇಟ್ ೯ನೇ ಶತಮಾನದಲ್ಲಿ ಮೆಕ್ಸಿಕೋ, ಕೇಂದ್ರ ಅಮೇರಿಕಾದಲ್ಲಿ ಕಚ್ಚಾ ರೂಪದಲ್ಲಿ ಬಳಕೆಯಲ್ಲಿತ್ತು. ಆದರೆ ಅದಕ್ಕೆ ಆಧುನಿಕವಾದ ಸ್ಪರ್ಶ ಸಿಕ್ಕಿದ್ದು ೧೭ನೇ ಶತಮಾನದಲ್ಲಿ. ೧೮೩೦ರಲ್ಲಿ ಫ್ರಾನ್ಸ್ ದೇಶಕ್ಕೆ ಇದರ ಪರಿಚಯವಾಯಿತು. ನಂತರವೇ ಇದಕ್ಕೆ ನಾಮಕರಣವಾಗಿ ಹೆಸರು ಸಿಕ್ಕಿದ್ದು ‘ಸಿಗರೇಟ್’ ಎಂದು.    ೧೮೪೫ರ ಹೊತ್ತಿಗೆಲ್ಲಾ ಫ್ರಾನ್ಸ್ ದೇಶದಲ್ಲಿ ಸಿಗರೇಟನ್ನು ದೊಡ್ಡ ಪ್ರಮಾಣದಲ್ಲಿ ಉತ್ಪಾದಿಸಲಾಯಿತು. ೧೮೮೦ರ ದಶಕದಲ್ಲಿ ಅಮೇರಿಕಾದ ಜೇಮ್ಸ್ ಅಲ್ಬಟ್೯ ಬೋನಲ್ಸ್ ಎಂಬಾತ ಸಿಗರೇಟ್ ತಯಾರಿಯ ಯಂತ್ರವನ್ನು ಕಂಡು ಹಿಡಿದ. ಅದರಲ್ಲಿ ಉತ್ಪಾದನೆ ದಿನಕ್ಕೆ ೪ ಲಕ್ಷದಷ್ಟು ಸಿಗರೇಟುಗಳಾಗುತ್ತಿದ್ದುವು.

ಇಷ್ಟಕ್ಕೇ ಮುಗಿಯದ ಸಿಗರೇಟ್ ಚರಿಷ್ಮಾ ದೇಶಗಳ ಸೈನ್ಯದಲ್ಲಿ ಸಿಪಾಯಿಗಳಿಗೆ ಕೊಡಲಾಗುವ ಪಡಿತರ ವಸ್ತುಗಳಲ್ಲೂ ಜಾಗ ಪಡೆದು ಮೆರೆಯಿತು. ೨೦ನೇ ಶತಮಾನದಲ್ಲಂತೂ ಲಿಂಗಭೇಧವಿಲ್ಲದೆ ಮಹಿಳೆಯರೂ ಪುರುಷರು ಸಿಗರೇಟಿನ ಚಟ ಅಂಟಿಸಿಕೊಂಡು ಬಿಟ್ಟಿದ್ದರು. ತೀರಾ ತಡವಾಗಿ ಸಿಗರೇಟ್ ಆರೋಗ್ಯಕ್ಕೆ ಹಾನಿಕರ ಎಂಬ ವಿಚಾರ‌ ಸಂಶೋಧನೆಗಳಿಂದ ಹೊರ ಬಿದ್ದಿತು. ಅದೇ ಸಮಯದಲ್ಲಿ ಜರ್ಮನಿಯ ಸರ್ವಾಧಿಕಾರಿಯಾಗಿದ್ದ ಅಡಾಲ್ಫ್‌ ಹಿಟ್ಲರ್‌ ಕೂಡ ಧೂಮಪಾನದ ವಿರುದ್ಧ ಆಂಧೋಲನವನ್ನು ಮಾಡಿದ ಎಙಬುದನ್ನು ಜಗತ್ತು ಮರೆತಿಲ್ಲ. ಆದರೆ ಅವನೂ ಕೂಡ ಊರಿಗೆಲ್ಲಾ ಸಿಗರೇಟ್ ಸೇದಬೇಡಿ ಎಂದರೂ ಅವನೇ ಆ ಚಟದಿಂದ ಹೊರ ಬರಲಾಗಲಿಲ್ಲ ಎಂಬುದೂ ಕಟು ಸತ್ಯ.    ನಾನು ಗಮನಿಸಿದ ಹಾಗೆ ಜಗತ್ತಿನಲ್ಲಿ ಜಾಣರು, ಬುದ್ಧಿವಂತರು ಎಲ್ಲಾ ಸಿಗರೇಟಿನ ಸಹವಾಸದಲ್ಲಿ ಬಿದ್ದವರೇ… ಇದ್ದು ಸುಖಿಸಿದವರೇ…!    ಸೃಜನಶೀಲತೆಗೂ ಸಿಗರೇಟಿಗೂ ಇರುವ ಸಂಬಂಧವೇನು? ಜ್ಞಾನಕ್ಕೂ ಅಮಲಿಗೂ ಅದ್ಯಾವ ನಂಟು? ಎಂದು ಯೋಚಿಸುತ್ತಾ ಉತ್ತರ ಹುಡುಕುವಾಗ ಸಿಕ್ಕ ಉತ್ತರ ‘ನಿಕೋಟಿನ್’. ಮೆದುಳಿನಲ್ಲಿ Neuronಗಳಲ್ಲಿ Electrical signalsಗಳು ಚಲಿಸುತ್ತಿರುತ್ತವೆ. ಪರಿಣಾಮವಾಗಿ ಆಗ ನಮಗೆ ಒಮ್ಮೆಲೆ ಹಿತಾನುಭವವಾಗುತ್ತದೆ. ಜೊತೆಗೆ ಹೃದಯ ಬಡಿತವೂ ಜೋರಾಗುತ್ತದೆ. ಪ್ರತಿ ಸಿಗರೇಟ್ ಸೇದಿದಾಗಲೂ ಅದು ನಮ್ಮ ಆಯಸ್ಸಿನ 11 ನಿಮಿಷವನ್ನು ಕಡಿಮೆ್ಒಳಿಸುವಷ್ಟು ಮಾರಕ ಪರಿಣಾಮ ಬೀರುತ್ತದೆ.    ಹಾಗೆ ಧೂಮಪಾನದಲ್ಲಿ ಇರುವ ನಿಕೋಟಿನ್ ಅಂಶ ತೀರಾ ನಿಮಗೆ ಬೇಕೆ ಬೇಕು ಎನಿಸುವುದಾದರೆ ಸಿಗರೇಟ್ ಬಿಟ್ಟು ನಿಕೋಟಿನ್ ಚೂಯಿಂಗ್ ಗಮ್ ತಿನ್ನಬಹುದು.   ಬರಹದ ಸಾರಾಂಶ ಸಿಗರೇಟ್ ಸೇದಿದರೆ ವಯಸ್ಸಾಗೊಲ್ಲ, ವಯಸ್ಸಾಗೋ ಮುಂಚೆನೆ ಸತ್ತು ಶಿವನ ಪಾದ ಸೇರ್ತೀವಿ ನೆನಪಿರಲಿ…

error: Content is protected !!